Фото: Мәжіліс
Елнұр Бейсенбаевтың Мәжіліс депутаты ретіндегі өкілеттігі тоқтатылды, деп хабарлайды Ult.kz.
Бүгін Парламенттің төменгі палатасының жалпы отырысында Мәжіліс депутаты Елнұр Бейсенбаевтың өкілеттігін мерзімінен бұрын тоқтату мәселесі қаралды.
Осы аптада ол Қазақстан Республикасы Президенті Әкімшілігінің ішкі саясат бөлімі меңгерушісі қызметіне тағайындалды.
39 жастағы Елнұр Сабыржанұлы Бейсенбаев Әл-Фараби атындағы Қазақ ұлттық университетін бітірген.
Еңбек жолын жастар ұйымдарында, атап айтқанда «Жастар Үні» қоғамдық бірлестігінің ұйымдастыру бөлімі кеңесшісі ретінде бастаған.
Бірнеше жыл бойы мемлекеттік ұйымдарда жұмыс істеп, жастар саясатына жауапты лауазымдарда еңбек еткен.
2023 жылғы қаңтардан бастап AMANAT партиясының атқарушы хатшысы болып қызмет атқарған.
VIII шақырылған Қазақстан Республикасы Парламенті Мәжілісінің депутаты, AMANAT партиясы фракциясының жетекшісі ретінде жұмыс істеді.
Депутат ретінде жаңа Конституция нормаларын, әлеуметтік-экономикалық мәселелер мен қоғамдық сұрақтарды белсенді талқылаған.
Әлеуметтік және саяси мәселелер бойынша пікірін ашық білдіріп, заң жобалары мен реформаларға қатысты өз ұстанымын жеткізген.
65 рет оқылды
