31 мам, 2023 сағат 16:15

Оңтүстік Кореяда қазақстандықтар үшін еңбек визасы пайда болуы мүмкін

Фото: © REUTERS/ Heo Ran

Қазақстан мен Оңтүстік Кореяның Сыртқы істер министрлері қазақстандықтарға еңбек визасын беру мүмкіндігін талқылады, - деп хабарлайды Tengrinews.kz.

Бүгін Астанада Оңтүстік Корея Сыртқы істер министрі Пак Чжин мен Қазақстанның Сыртқы істер министрі Мұрат Нұртілеудің екіжақты келіссөздері өтті.

"Халықтар арасындағы байланыстардың маңыздылығын ескере отырып, министр Пак Чжин екеуміз екі ел азаматтарының еңбек және көші-қон құқықтарын қамтамасыз ету мәселелерін талқыладық. Өз тарапымнан Қазақстан азаматтарының Кореяда заңды жұмысқа орналасуын қамтамасыз ету, әсіресе Қазақстанды "Кореяның" жұмысқа рұқсат беру жүйесіне қосу біздің еліміз үшін өте маңызды екеніне назар аудардым", - деді Мұрат Нұртілеу брифинг барысында.