Фото: Орал ПБ
WhatsApp мессенджерінде Оралдағы Абай полиция бөлімінің ақпараты тарап жатыр. Онда үш ер адам "аса ауыр қылмыс жасағаны үшін" іздестіріліп жатқаны көрсетілген, - деп хабарлайды Tengrinews.kz тілшісі "Мой город" басылымына сілтеме жасап.
Олардың қандай қылмысы үшін іздестіріліп жатқаны белгісіз. Бұл ақпаратпен қатар Оралда адам өлтірілгені және соған қатысты осы адамдар іздестіріліп жатқаны айтылған аудио хабарлама да тарап жатыр.
БҚО ПД баспасөз қызметі мәліметінше, "2 ақпанда сағат 08:10-да Дәулеткерей көшесіндегі үйлердің бірінің маңынан зорлық-зомбылық белгілері бар ер адамның мәйіті табылды".
Алайда ведомство бұл қылмыстың таратылған іздеу ақпаратына қатысы бар-жоғын нақтыламай отыр.
"Абай полиция басқармасы адам өлтіру дерегі бойынша соталды тергеуді бастады. Қазіргі уақытта полиция қызметкерлері аталған қылмысты ашуға және күдіктіні анықтауға бағытталған жедел-іздестіру іс-шараларын жүргізіп жатыр. Басқа мәліметтер ҚР ҚК-ның 201-бабына сәйкес, жарияланбайды, - деді полиция.
231 рет оқылды
