PricewaterhouseCoopers Еуразия аумағы бойынша басқарушы серіктесі Марк Хеннидің тұжырымы бойынша, «Самұрық-Қазына» акционерлік қоғамының Net Assets Worth ( таза активтердің құны) 5-жылдық кезеңде 1.7 есеге ұлғайды.
«2008-ден 2011-ге дейінгі кезең аралығында 3,1-3,5 трлн теңге деңгейінде болған Қордың таза активтерінің құны, 2011-ден 2016-ге дейінгі жылдары 6 трлн теңгеден асып түсті», - деді Марк Хенни.
Сондай-ақ, оның сөзі бойынша, Қор активтерінің портфелінің таза құн көрсеткіші, 2011- 2016 жылдары аралығындағы кезеңде 2, 4 есеге өсті.
«Біз жалпыға қол жетімді ақпараттар негізінде, оның ішінде «Самұрық-Қазына» АҚ аудиттелген қаржылық есептілігіне де алдын-ала есептемелер жүргізіп, Қор өз тапсырмаларын табысты жүргізуде, ал негізгі көрсеткіштері Temasek пен Khazanah тәрізді тәуелсіз, жетекші қорлардың көрсеткіштерімен салыстырмалы, деген қортындыға келдік», - деп сөзін жалғастырды Еуразия аумағы бойынша PricewaterhouseCoopers басқарушы Серіктесі Марк Хенни.
PwC мәліметтеріне сәйкес, 2011 жылдан бастап «Самұрық-Қазына» АҚ таза активтерінің құнының орташа жылдық өсу қарқыны 11,5% құрады. Салыстыру үшін, дәл сол мерзiмге Temasek және Khazanah осы көрсеткіштің орташа жылдық өсу қарқыны тиісінше 6,9% және 7,8% құрады.
Net Assets Worth - Қор бойынша таза активтер құнының көрсеткіші 2008 жылғы базалықтан кейін, жарғылық капиталға мемлекеттен ешқандай жарна салынбайды. Сондай-ақ, 2015-ші жылғы девалвацияға байланысты, қаржы активтерін қайта бағалаудан туындаған шетелдік валюта бағамынан да пайда алынбайды.
PwC - консалтинг және аудит саласындағы кәсіби қызметтерін ұсынатын компаниялардың халықаралық желісі. Компания құрылғанына 160 жылдан астам уақыт болды және әлемдегі үлкен төрттік деп аталатын аудиторлық компаниялардың бірі болып табылады.
Ұлт порталы
3331 рет оқылды
