Фото: primeminister.kz
Атырау-Орал трассасының 80-85-шақырымының аралығы жабылуы мүмкін, деп хабарлайды «Ұлт ақпарат» Kazinform-ға сілтеме жасап.
Атырау облысы әкімінің орынбасары Қайрат Нұртаевтың айтуынша, Жайық өзенінің суы арнасынан асқан.
Осыған байланысты Атырау-Орал трассасының 80-85-шақырымы аралығында жеңіл автокөлік қозғалысы бүгіннен бастап тоқтатылуы мүмкін.
Көлік жүргізушілеріне балама нұсқа ретінде облыстық маңызы бар Атырау-Индер трассасымен жүру ұсынылып отыр.
Махамбет және Индер ауданының Жайық өзенінің оң жағалауында орналасқан елді мекендеріне қатынау үшін Махамбет-Ортақшыл ауылының маңындағы көпірден өтуге болады.
Еске сала кетелік, бұдан бұрын Атырау-Индер трассасы су өткізетін 6 құбыр салу үшін тағы уақытша жабылатынын жазған едік.
1135 рет оқылды
