Көрнекі сурет: depositephotos.com
Синоптиктер 4-6 мамырға арналған ауа-райы болжамын ұсынды, - деп хабарлайды "Ұлт ақпарат".
Қазгидромет РМК мәліметінше, Солтүстік антициклон жотасы ықпалынан Қазақстанның басым бөлігінде жауын-шашынсыз ашық ауа райы қалыптасады, ал оңтүстікте, оңтүстік-шығыста түнгі уақытта 1-7 градус үсік күтіледі.
"Еліміздің батыс, шығыс және оңтүстік-шығыс аймақтарында атмосфералық фронталь бөліктер әсерінен ауа райының тұрақсыз сипаты күтіледі - батыста жаңбыр жауады, 4-5 мамырда кей уақытта найзағай, бұршақ жауады, шығыста, оңтүстік-шығыстың таулы аймақтарында түнде жауын-шашын (жаңбыр, қар), күндіз жаңбыр жауады. Республика бойынша желдің күшеюі күтіледі, оңтүстік өңірлерде құмды дауыл болады деп болжанады", - делінген хабарламада.
1046 рет оқылды
