Алматы соты "Алматы спецтехпаркинг сервис" ЖШС директоры Марат Пірінбековті қамауда ұстау мерзімін ұзартты, - деп хабарлайды Tengrinews.kz.
Қалалық соттың баспасөз қызметі Пірінбеков осы жылдың шілдесінің ортасына дейін қамауда болатынын хабарлады.
"Алматы тергеу сотының 14 маусымдағы қаулысымен күдіктіге қатысты күзетпен ұстау мерзімін 3 айға дейін ұзартуға санкция беру туралы өтініш қанағаттандырылды", - делінген хабарламада.
Қаулы әлі заңды күшіне енген жоқ.
Марат Пірінбеков бұған дейін "Алматы спецтехпаркинг сервис" компаниясының директоры лауазымын атқарып келді. Ол 18 сәуірде қамауға алынды.
Оған дейін 14 сәуірде Алматыда A-parking ақылы автотұрақтар операторы саналатын Alan Parking компаниясының директоры Мұхтар Базарбаев қамауға алынғаны хабарланған болатын.
Кейін A-Parking жобасына жауапты тұлғаларға қатысты аса ірі мөлшерде бюджет қаражатын жымқырды деген күдікпен соталды тергеу басталды.
Былтыр желтоқсанда Қайрат Боранбаев иелік ететін RR2 компаниясы Alan Parking фирмасынан 30 пайыз үлес сатып алған. Бұған дейін ақылы автотұрақтардың операторы мемлекетке тиесілі болған.
483 рет оқылды
