Оралда қатардағы жауынгер өзіне қарудан оқ атып, көз жұмды, деп хабарлайды "Ұлт ақпарат".
ҚР Ұлттық ұланы «Батыс» өңірлік қолбасшылығының баспасөз қызметі мәлім еткеніндей, қайғылы оқиға бүгін, 16 маусымда таңғы сағат 5:30 шамасында болған. Бозбала жедел облыстық көпбейінді ауруханаға жеткізілгенімен, дәрігерлер оның өмірін сақтап қала алмады.
Әскери бөлім басшылығының мәліметінше, жігіт өз-өзіне қол жұмсаған. Ол сол түні түзету мекемесінде күзетте болған.
"Қарумен өз-өзін жаралады. Әскери қызметшіні аман алып қалу мүмкін болмады. Қазір әскери тергеу органдары тергеу жүргізуде. Әзірге басқа ақпарат бере алмаймыз", - деді 5517 әскери бөлімі командирінің орынбасары Жәнібек Сәрсенов.
Марқұм – 2000 жылғы Ақтөбе өңірінің тумасы. Қазір оқиғаға қатысты тергеу амалдары жүргізіліп жатыр.
1224 рет оқылды
