Фото: Түркістан облысы әкімдігінің баспасөз қызметі
Мәдениет және ақпарат министрлігі монументтік өнер құрылыстарын орнату қағидаларын бекіту туралы бұйрықтың жобасын әзірледі, деп хабарлайды «Ұлт ақпарат».
"Ашық НҚА" порталында жариялған құжатқа сәйкес, монументтік өнер құрылыстары аса көрнекті тұлғаларды, маңызды тарихи оқиғаларды мәңгі есте қалдыру үшін орнатылатын монументтік өнер туындылары (ескерткіштер, стелалар, бюсттер) болып табылады. Ал жергілікті атқарушы органдар монументтік өнер құрылыстарын бюджет және бюджеттен тыс қаражат есебінен жүргізеді. Ондай құрылыстар көрнекті тұлғалардың мерейтойлық және атаулы күндеріне, маңызды тарихи оқиғаларға орайластырылады
"Монументтік өнер құрылыстары Республикалық ономастика комиссиясы бекіткен тарихи тұлғалар тізімінде көрнекті түлғаның болуын ескере отырып орнатылады. Құрылыс мемлекет тәуелсіздігін нығайтуға қосқан, қаһармандық пен ерлік көрсеткен ерекше жағдайларды қоспағанда, аса көрнекті тұлғалар қайтыс болған және (немесе) тарихи оқиғалар болған күннен бастап бес жылдан ерте қаралмайды", - делінген бұйрық жобасында.
Ал сыбайлас жемқорлық тәуекелдерін болдырмау мақсатында жергілікті атқарушы органдар мүсіншілер арасында құрылыстың үздік жұмыс жобаларына республикалық шығармашылық конкурс жариялауға міндетті.
Бұдан бөлек, осы құжат бойынша мәдениет және спорт министрінің 2021 жылғы 29 желтоқсандағы 406 бұйрығының күші жойылады. Құжаттың жобасы 21 мамырға дейін қоғамдық талқылауға шығарылып отыр.
2232 рет оқылды
_140_110.webp)
