Түркістан облысында жыл басынан бері үшінші үшем дүниеге келді, деп хабарлайды ҚазАқпарат.
Төлеби ауданы Леңгір қаласының 36 жастағы тұрғыны Ақбота Құдайбергенова екі қыз, бір ұл босанды.
Жаңа туған нәрестелерге Ақжүрек, Ақниет, Қасиет есімдері берілді.
Сәбилер бүгінге дейін периниталдық орталық дәрігерлерінің бақылауында болған. Қазір ана мен нәрестенің жағдайы бірқалыпты.
Отағасы Темірбек Тәжиев құрылыс саласында еңбек етсе, отанасы Ақбота Құдайбергенова мектепке дейінгі білім беру мекемесінде жұмыс істейді.
Бұған дейін екі ұл мен бір қызы бар отбасы бірден 6 балалы болып, қуанышқа кенеліп отыр.
486 рет оқылды
