_48_48.webp)
Өндірушілер Алматы сауда желілеріне тікелей азық-түлік жеткізетін болады. Бұл туралы Алматының бизнес штабы хабарлады. Сонымен қатар JLC компаниясы Алматыға сүт және сүт өнімдерін тікелей жеткізу туралы уағдаластыққа қол жеткізді, - деп хабарлайды «Ұлт ақпарат».
Штабтың ақпаратына сәйкес, Алматы мен Алматы облысының әкімдіктері әлеуметтік маңызы бар азық-түлік тауарларын үздіксіз жеткізу бойынша өзара ынтымақтастық туралы Меморандумға қол қойды. Бұл туралы қала әкімдігі мәлім етті.
"Алматы әкімі Бақытжан Сағынтаевтың тапсырмасы бойынша алғаш рет Алматы облысының тауар өндірушілерінен азық-түлік өнімдерін тікелей жеткізу бойынша уағдаластыққа қол жеткізілді. Енді фермерлер Алматыға көкөністер, қант, сүт өнімдері, құс еті, жұмыртқа, макарон өнімдері мен басқа да азық-түлік тауарларын жеткізетін болады", - делінген әкімдік таратқан ақпаратта.
Сонымен қатар бұл жеткізілімдерді өндірушілер қаланың сауда желілері мен базарларына делдалдардың ұзақ тізбегінсіз тікелей жүзеге асырады.
"Біз сондай-ақ ұсынылған бағаларға сәйкес жеткізілімдерді жүзеге асыру және жеткізілетін өнім бағасының негізсіз көтерілуіне жол бермеу туралы келістік", - деп хабарлады Алматы әкімінің орынбасары Мақсат Кикимов.
Айта кетейік, жалпы Алматыда азық-түлік тауарларының бағасын тұрақтандыру үшін азық-түлік тауарларының 15 атауын тіркелген төмендетілген бағамен сатып алу және сату үшін "Магнум" және "Тоймарт" ірі сауда желілеріне жеңілдетілген қарыздар берілді.
Ал оның алдында республика бойынша бірқатар азық-түліктің бағасы қымбаттады. Соған байланысты ұлттық кәсіпкерлер палатасының мамандары пікір білдірді.
Ұлттық палата картоп бағасының өсуі өнімнің маусымдылығына байланысты екенін түсіндірді, жақын арада бағалар тұрақтанады деп сендірді. Алайда басқа азық-түлік бағасының өсуін де жоққа шығармады.
"Атамекен" ҰКП АӨК және тамақ өнеркәсібі департаментінің директоры Ербол Есенеев маусымда сөрелерде жатқан картоп бұл өткен егіннің қалдықтары, нарықтағы жас картоп сатып алушылардың сұранысын қанағаттандыру үшін жеткіліксіз екенін жеткізді.
"Сонымен қатар өнімнің өзіндік құнына көлік шығындары кіреді және шығу кезінде біз өнімнің бағасын көтердік. Мәселен, Түркістан облысының фермерлерінде картоптың килограмы 200-210 теңге тұрады, әрине, нарықта бөлшек саудада ол қымбатырақ. Өндірістің өсуіне қарай баға төмендейді, күзде картоптың бағасы ең төмен болады", - деді Ербол Есенеев.
Айта кетейік, бүгінде Қазақстанда 4 миллион тоннаға жуық картоп өсіріледі, ұлттық кәсіпкерлер палатасының сарапшысының айтуынша, бұл көлем қазақстандықтардың картопқа деген қажеттілігін толығымен жабу үшін жеткілікті.
Оңтүстік аймақтарда картоп пен ерте пісетін көкөністерді жинау басталды. Нарықта жаңа өнімдердің пайда болуы бағаны тұрақтандырады.
Ал Алматы қаласының әкімдігі осы мәселенің алдын алып, бағаның тұрақты болуы үшін келісімге келуді ойластырды.
Алматы – Қазақстанның ірі экономикалық орталығы. Тұрақсыз экономикалық жағдайда мегаполис бизнес-бастамалар үшін ең перспективалы инвестициялық алаң болып қала береді. Алматы қаласының ЖӨӨ 2019 жылы 5,3 триллион теңге немесе ЖІӨ-де 18,6%. ЖӨӨ-дегі ШОК үлесі бойынша есепті жылы өңір республикада 42,9% көрсеткішімен 2-орынды алады. Бұл көрсеткіштің 2018 жылмен салыстырғанда 3,0 пайыздық тармаққа өсу үрдісі байқалды.
Алматы қаласында жұмыс істеп тұрған ШОК субъектілерінің саны 2020 жылғы 1 шілдедегі жағдай бойынша 195,6 мың бірлікті құрады. Шок құрылымында жеке кәсіпкерлер 61,1%-ды, шағын кәсіпкерліктің заңды тұлғалары 38,1%-ды құрады.
1597 рет оқылды
