Фото: ашық дереккөз
eGov.kz порталы іске қосылғанына 20 жыл толды, деп хабарлайды Ult.kz.
Осы уақыт ішінде портал қарапайым ақпараттық сайттан толыққанды цифрлық экожүйеге айналып, бүгінде 15 млн-нан астам пайдаланушыға қызмет көрсетеді. Қазір 1300-ден астам мемлекеттік қызметтің шамамен 90%-ы онлайн қолжетімді.
Портал арқылы заңды тұлғаны 15 минутта тіркеу, баланың тууын онлайн рәсімдеу сияқты қызметтерді үйден шықпай-ақ алуға болады. Ал eGov Mobile қосымшасы арқылы 111 млн-нан астам қызмет көрсетілген.
Қазақстанның электрондық үкіметі халықаралық деңгейде де жоғары бағаланып, БҰҰ рейтингінде 24-орынға ие болды.
Қазір жүйе жасанды интеллектке негізделген жаңа кезеңге өтіп, азаматтарға қызмет көрсетуді одан әрі жеңілдетуге бағытталған.
89 рет оқылды
