Ашық дереккөзден
Қазақстан аумағында 2026 жылғы 5–7 мамыр күндері атмосфералық фронттардың өтуіне байланысты ауа райының құбылмалы сипаты сақталады. Бұл туралы синоптиктер мәлімдеді, деп хабарлайды Ult.kz.
Алдағы күндері республика бойынша жаңбыр жауып, найзағай ойнайды. Кей өңірлерде бұршақ түсіп, желдің екпіні күшеюі ықтимал. 5 мамырда елдің солтүстік аймақтарында қатты жаңбыр күтілсе, 6–7 мамырда жауын-шашын батыс өңірлерге ауысады.
Сондай-ақ, батыс аймақтарда түнгі және таңғы уақытта тұман түсуі болжанып отыр.
Температуралық фон айтарлықтай өзгермейді, дегенмен біршама ауытқулар байқалады. Елдің оңтүстігінде күндіз ауа температурасы +22…+32°C-тан +27…+36°C-қа дейін көтеріледі. Ал оңтүстік-шығыс өңірлерде +15…+30°C-тан +20…+35°C-қа дейін жылынады.
Жалпы, синоптиктер аталған күндері ауа райының тұрақсыз болатынын ескертіп, тұрғындарға сақтық шараларын ұстануды ұсынады.
55 рет оқылды
_140_110.webp)
