Қазақстан Президенті Нұрсұлтан Назарбаев Дүниежүзі қазақтары қауымдастығының төрағасы болып қайта сайланды, деп хабарлайды "Ұлт ақпарат".
Бүгін Астанада өткен Дүниежүзі қазақтарының V құрылтайы барысында Елбасының кандидатурасы қауымдастық төрағалығына қайта ұсынылды. Қауымдастықтың төралқа мүшелері Н.Назарбаевтың кандидатурасын бірауыздан қолдап, дауыс берді.
"Маған сенім білдіргендеріңіз үшін баршаңызға рахмет. Бұл менің істеп жүрген жұмысым", - деп атап өткен Мемлекет басшысы, сенім артқан төралқа мүшелеріне алғысын айтты.
3071 рет оқылды
