Фото: ашық дереккөз
2025 жылдың 11 тамызынан бастап Business.enbek.kz порталында 2-лек бойынша жаңа бизнес-идеяларды іске асыруға арналған қайтарымсыз гранттар алуға өтінімдер қабылданады, деп хабарлайды Ult.kz.
🔹 Грант мөлшері – 400 АЕК немесе 1 572 800 теңге. Ол бір рет беріледі және тек жаңа бизнесті бастау мен дамыту мақсатында қолданылады.
🔹 2-лек бойынша республика көлемінде 4 873 адамға грант беріледі.
Өтінім беру тәртібі:
– Порталда тіркелу
– Грант шарттарына сәйкестігін тексеру
– Бизнес-жоспар үлгісін толтыру
– Өтінішті ЭЦҚ арқылы растау
Интернетке қолжетімділігі жоқ азаматтар мансап орталықтары мен ХҚКО-лардың өзіне-өзі қызмет көрсету аймақтарында өтінім бере алады.
Кімдер үміткер бола алады?
-
Тіркелген жұмыссыздар
-
Жеке кәсіпкерлер (тіркелген мерзімі 3 жылға дейін)
Сонымен қатар үміткерлер төмендегі әлеуметтік санаттардың біріне жатуы тиіс: -
Мүгедектігі бар адамдар
-
Көпбалалы отбасы мүшелері
-
Аз қамтылған отбасы мүшелері
-
Қандастар
-
Қоныс аударушылар
-
Мүгедек баланы тәрбиелеп отырған ата-ана
-
Асыраушысынан айырылғандарға арналған жәрдемақы алушылар
Үміткерде «Бастау Бизнес» жобасы бойынша соңғы 3 жыл ішінде берілген оқу сертификаты болуы қажет.
Грантты неге жұмсауға болады?
-
Құрал-саймандар, жабдықтар, тұқым, көшет, мал, құс сатып алуға
-
Жай жалдау ақысына
Грант қаражатын жер теліміне, тұрғын үй сатып алуға, несие жабуға және акцизделетін өнім өндіруге пайдалануға болмайды.
Қалай шешім қабылданады?
Аудандық/қалалық комиссия үміткердің бизнес-жоспарын мына критерийлер бойынша бағалайды:
-
Идеяның бәсекеге қабілеттілігі
-
Өткізу нарығының нақтылығы
-
Қаржылық өміршеңдік
-
Жаңа жұмыс орындарын құру әлеуеті
Комиссия шешімі порталдағы жеке кабинетке жолданады. Оң шешім қабылданса, үміткер шартқа онлайн қол қойып, есеп беруін де электронды түрде тапсырады.
