Фото: AP Photo
Дональд Трамптың айтуынша, елдегі шетелдіктердің ресми саны 53 миллион адам — оның сөзінше, бұл адамдардың басым бөлігі әлеуметтік қамсыздандыру есебінен өмір сүреді және қолайсыз елдерден келеді, деп хабарлайды Ult.kz.
"Мигранттардың нақты саны бұдан да көп. Босқындар жүктемесі – Америкадағы әлеуметтік дисфункцияның негізгі себебі, мұндай жағдай Екінші дүниежүзілік соғыстан кейін болмаған (мектептердің сапасының төмендігі, қылмыстың жоғары деңгейі, қалалардың құлдырауы, ауруханалардың толып кетуі, тұрғын үй тапшылығы, орасан дефицит және т.б.)", — деді ол.
Трамп сондай-ақ АҚШ жүйесінің толық қалпына келуіне мүмкіндік беру үшін "үшінші әлем" елдерінің барлығынан миграцияны мәңгі тоқтататынын жазды. Ол "Америка Құрама Штаттарына айқын пайда әкелмейтін немесе біздің елімізді сүйе алмайтын" барлық адамды елден шығаратынын айтты.
"Мен біздің елдің азаматтары емес адамдарға барлық федералдық жеңілдіктер мен субсидияларды тоқтатамын, ішкі тыныштыққа нұқсан келтіретін мигранттарды азаматтықтан айырамын және қоғамға ауыртпалық төндіретін, қауіпсіздікке қатер төндіретін немесе батыс өркениетімен үйлеспейтін кез келген шетелдік азаматты депортациялаймын", — деді ол.
296 рет оқылды
