Фото: Gov.kz
Маңғыстау облысының орталығы – Ақтау қаласында 10 000 көрерменге арналған жаңа заманауи стадион бой көтермек. Бұл туралы 8 шілде күні облыс әкімі Нұрдәулет Қилыбайдың төрағалығымен өткен жиында мәлім болды, деп хабарлайды Ult.kz.
Кездесуде «Қазақ энергетика және байланыс ғылыми-зерттеу жобалау институты» ЖШС өкілдері жобаның тұжырымдамасын таныстырды. Жоспар бойынша, көпфункционалды спорт кешені қазіргі заман талабына сай салынып, футбол академиясымен бірге жабдықталады.
Жаңа нысанда спортшыларға толық жағдай жасалмақ:
-
оқу-жаттығу алаңдары;
-
киім ауыстыратын бөлмелер;
-
медициналық пункт;
-
жаттығу залдары қарастырылады.
Жобалау жұмыстары 2026 жылы аяқталып, құрылыс кезеңіне өту жоспарланып отыр. Облыс әкімі Нұрдәулет Қилыбай жобалау-іздестіру жұмыстарының сапасын бақылауда ұстауды және белгіленген мерзімде аяқтауды тапсырды.
