Фото:depositphotos.com
Астаналықтар мен алматылықтарды тағы да құбылмалы көктемгі ауа райы күтеді. 17-19 сәуірге арналған болжам жарияланды, - деп хабарлайды Қазгидромет.
Астанадағы ауа райы
17 сәуірде ауыспалы бұлтты, таңертең және күндіз жаңбыр мен қар түріндегі жауын-шашын болады. Жел оңтүстік-батыстан солтүстік-батысқа ауысады, 9-14 м/с, кей жерлерде екпіні 24 м/с дейін. Түнде температура +3…+5, күндіз +8…+10 градус.
18 сәуірде күндіз қайтадан жаңбыр мен қар жауып, құбылмалы бұлтты болады. Жел солтүстік-батыстан оңтүстік-батысқа ауысады, екпіні 20 м/с дейін. Түнде -1…-3, күндіз +3…+5 градус.
19 сәуірде кей кезде жаңбыр мен қар жауады, түнде көктайғақ болады. Жел солтүстік-батыстан оңтүстік-батысқа ауысады, екпіні 20 м/с дейін. Түнде -2…-4, күндіз +3…+5 градус.
Алматыдағы ауа райы
17 сәуірде құбылмалы бұлтты, жауын-шашынсыз. Жел шығыстан соғады, екпіні - 3-8 м/с. Түнде +5…+7, күндіз +17…+19 градус.
18 сәуірде кей кездері жаңбыр, найзағай болуы мүмкін. Жел солтүстік-батыстан 5-10 м/с, екпіні 20 м/с дейін. Түнде +8…+10, күндіз +13…+15 градус.
19 сәуірде ауыспалы бұлтты, жаңбыр және найзағай. Жел солтүстік-шығыстан 5-10 м/с, екпіні 20 м/с дейін. Түнде +3…+5, күндіз +10…+12 градус.
3113 рет оқылды
