Фото: Ақорда
Қазақстан Президенті Қасым-Жомарт Тоқаев Беларусь Республикасының басшысы Александр Лукашенкомен телефон арқылы сөйлесті, деп хабарлайды Ult.kz.
Әңгіме барысында тараптар қазақ-беларусь қатынастарының қазіргі жағдайын және олардың даму перспективаларын талқылады. Мемлекеттер басшылары саяси диалогтың жоғары деңгейде өрбіп келе жатқанын, сондай-ақ сауда-экономикалық және гуманитарлық ынтымақтастықтың тұрақты дамып отырғанын атап өтті.
Сондай-ақ әңгіме барысында халықаралық күн тәртібіндегі өзекті мәселелер сөз болды.
Қасым-Жомарт Тоқаев Минскіде өтіп жатқан Еуразиялық қауіпсіздік жөніндегі конференцияның маңызына назар аударды.
Әңгіме соңында екі ел басшысы алдағы бірлескен іс-шаралар аясында ынтымақтастықты одан әрі нығайтуға уағдаласты.
