Португалияда вакцинацияға қарсы болған отбасы түгелдей коронавирустан қайтыс болды. Бұл туралы Covid-19 таралуына жол бермеу жөніндегі қазақстандық ведомствоаралық комиссияның Telegrаm-каналында жарияланды, деп хабарлайды "Ұлт ақпарат".
Түркияда шамамен 6 миллион адам пандемия басталғаннан бері SARS-COV-2 тасымалдаушысы болды. Тәулігіне індетке шалдығудың жаңадан 23 731 жағдайы тіркелді және елде вирусты жұқтыру оқилағалырының жалпы саны 5 942 271 адамды құрады. Өткен тәулікте 117 азамат COVID-19 құрбаны болды. Көз жұмғандар саны 52 313-ке жетті. Қаңтар айының ортасынан бастап Түркияда COVID-19-ға қарсы жаппай вакцинация жүргізілуде. Бүгінгі таңда Түркияда жалпы 77,55 миллионнан астам вакцина дозасы салынды. Оның ішінде үшінші, үдеткіш вакцинация бар.
Португалияда жағымсыз оқиға орын алды. Вакцинацияға түбегейлі қарсы болған отбасы түгелімен COVID-19-дан қайтыс болды. Бұл туралы марқұмдардың туысы Фрэнсис Гонсалвес айтты. Ер адамның айтуынша, анасы, әкесі және ағасы екпеге қарсы үгіт-насихат тобының айтқандарына сеніп, иммундаудан бас тартқан. Барлығы коронавирус жұқтырып, бір апта ішінде қайтыс болды. Ф.Гонсалвеш бұл фактіні вакцинацияның басқа қарсыластарына ой салып, олардың бұрыс әрекеттерін тоқтатады деген үмітпен жариялағанын түсіндірді. Қазіргі уақытта Португалия билігі елдің бірқатар ауданында, соның ішінде астанасы Лиссабонда коменданттық сағат енгізді.
