27 нау, 2023 сағат 13:15

10-қабаттан секіріп кеткен: үш павлодарлық зорлау ісі бойынша сот алдына келді

Фото: starhit.ru

Павлодарда Жастар үйінің кәмелетке толмаған тәрбиеленушісін топтасып зорлау ісі бойынша сот отырысы басталды, - деп хабарлайды Tengrinews.kz сайты.

Өткен жазда 16 жастағы қыз зорлық-зомбылықтан құтылу үшін 10-қабаттың терезесінен секіріп кеткен.

Павлодар облысының қылмыстық істер жөніндегі мамандандырылған ауданаралық сотында алдын ала тыңдау өтті. "Сот кабинетінің" мәліметінше, басты сот отырысы 29 наурызға белгіленген.

"Заңға сәйкес, аталған санаттағы қылмыстық істер жабық есік жағдайында қаралады", - деді Павлодар облыстық сотының баспасөз қызметі өкілдері.

Еске салайық, бұған дейін Павлодардың үш тұрғыны қылмыс жасады деген күдікке ілінгені хабарланған болатын.