Белгісіз біреулер Қазақстаннан Қырғызстанға 200-ден аса ірі қараны заңсыз айдап өткізбек болған, - деп хабарлайды Tengrinews.kz агенттігі ҰҚК Шекара қызметінің Алматы облысы бойынша департаменті баспасөз қызметіне сілтеме жасап.
Оқиға Қарасай ауданы бойынша Шекара басқармасының "Қастек" шекара бөлімі учаскесінде болған. Ақпарат бойынша, шекара отряды шекара сызығында бұзылған инженерлік қоршауды анықтаған.
"Жедел-іздестіру іс-шараларын жүргізе отырып, шекарашылар ірі қара малды айдап өткізуге әрекеттенген алты адамды тапты. Шекарашылар келе жатқанын көріп, олар оқиға орнынан қашып кеткен. Өз кезегінде шекара күзетіндегі иесіз ірі қара мал мемлекеттік шекарадан бірнеше шақырым жерде орналасқан шекара бекетіне жеткізілді", - деді ведомство өкілдері.
Қазіргі уақытта бұл дерек тексеріліп жатыр.
741 рет оқылды
_80_80.webp)
