Экономикалық жаңалықтар көрсетіп отырғандай, Америка экономикасы соңғы онжылдықтағы ең қиын дағдарысқа кіріп келеді.
АҚШ-та тағы өткен аптада 5 млн азамат жұмыссыздық бойынша жәрдемақыға өтініш берген. Соның салдарынан Covid-19 байланысты карантин режимі енгізілген сәттен бастап жұмыстан босатылғандар саны 22 млн-нан асып отыр, деп хабарлайды The Guardian.
Сарапшылар Америкадағы жұмыссыздық деңгейі 15%-ға өскен деп болжап отыр және бұл көрсеткіш алдағы апталарда өсуі мүмкін.
Өткен айда елде баспана құрылысы бірден 22%-ға қысқарған.
Morgan Stanley мен BlackRock соңғы тоқсанда табыстың бірден төмендегенін жариялады, себебі акциялар құны арзандап, мәміле саны қысқарған.
Ұлыбританияда Англия банкінің сарапшылары ел экономикасының Covid-19 пандемиясы салдарынан «өте қатты» зардап шегетінін ескертті.
Экономистер қатаң оқшаулану режимі тағы бірнеше айға созылса, Ұлыбританияда да жұмыссыздық деңгейі 15%-ға жететінін болжап отыр.
Елде өткен айда тұрмыстық қажетті тауарлар бағасы 4,4%-ға өскен.
