Қазақстанның бірқатар өңірінде ескерту жарияланды, деп хабарлайды "Ұлт ақпарат" «Қазгидромет» РМК-ға сілтеме жасап.
Нұр-Сұлтанда 6 мамыр күні түнде -2 градус суық болады деп күтілуде.
Ақмола облысында 6 мамыр түнде кей жерлерде -3 градус аяз болады. Көкшетауда 6 мамыр түнде 1 градус суық болады.
Алматы облысы мен Талдықорғанда 6 мамырда солтүстік-шығыстан жел соғып, кей жерлерде екпіні 15-20 м/с-ке жетеді.
Түркістан облысында 5-6 мамыр күндері таулы аудандарда нөсер жаңбыр жауып, соның салдарынан Түркістан облысында өзендердің су деңгейі көтерілуі мүмкін. Кей жерлерде найзағай ойнып, бұршақ жаууы ықтимал. Шығыс бағыттан жел соғып, екпіні 15-20 м/с-ке жетеді.
Шымкентте 6 мамыр күні түнде және таңертең күн күркіреп, күшті жел соғады.
6 мамыр күні Түркістан қаласында шығыстан жел соғып, екпіні 15-20 м/с-ке жетеді.
Павлодар облысында 6 мамыр түнде 1-6 градус аяз болуы ықтимал.
Атырау облысында 6 мамыр күні күн күркірейді. Жел шығыстан, оңтүстік-шығыстан соғып, түнде кей жерлерде жылдамдығы 15-20 м/с-ке жетеді.
Атырауда 6 мамыр күндіз шығыс, оңтүстік-шығыстан жел соғады, екпіні 15-18 м/с болады.
Ескертудің ықтималдығы 80-100 %.
