17 мау, 2021 сағат 15:23

Павлодарда ERTIS футбол клубының директоры сотталды


Павлодарда ERTIS футбол клубының бұрынғы директоры Серік Омарханов сотталды, деп хабарлайды "Ұлт ақпарат" Қаржылық мониторинг агенттігіне сілтеме жасап.

Павлодар облысы бойынша экономикалық тергеу департаменті «ERTIS» футбол клубы» қоғамдық қорына қатысты бюджетке салық төлеуден жалтару дерегі бойынша қылмыстық істі тергеуді аяқтады. 

Тергеу барысында 2019 жылы ERTIS футбол клубының директоры салық органдарына бұрмаланған деректері бар мағлұмдаманы ұсынғаны анықталды. 

Сол арқылы мемлекетке 193 млн астам теңгеге төленбеген салық түрінде залал келді. 

Клуб директоры 3 жыл бойы қаржы және коммерциялық ұйымдарда басшылық лауазымды атқару құқығынан айырыла отырып, 1 жылға сотталды. 

Қылмыстық кодекстің 245-бабына сәйкес, бюджетке салық және өзге де төлемдерді өтеуден жалтарғандарға 1 жылдан 5 жыл мерзімге дейін бас бостандығынан айыру жазасы қарастырылған.