Үкімет қаулысымен «СҚ-Фармация» компаниясына жаңа өкілеттік берілді, деп хабарлайды "Ұлт ақпарат".
«СҚ – Фармация» ЖШС-не дәрі-дәрмектерді кейіннен бөлшек сауда желісінде шекті бағалар бойынша сату үшін көтерме сатып алу жөнінде өкілеттік берілсін», - делінген Үкімет қаулысында.
Қаулы қол қойылған күні яғни 23 шілдеден бастап күшіне енген.
Еске сала кетсек, бұған дейін Үкімет басшысы Асқар Мамин «СҚ-Фармация» компаниясына дәрі-дәрмек сатып алып, қосымша бір айға жететін көлемде өңірлерге таратуды тапсырған болатын.
«СҚ-Фармация» осы жылдың шілде айының соңына дейін дәрі-дәрмек сатып алып, қосымша бір айға жететін көлемде өңірлерге бөлсін. Сондай-ақ дәрі-дәрмек қажеттілігін жоспарлаудың нақты жүйесін анықтасын», - деді өткен аптада өткен Үкімет отырысында Асқар Мамин.
