Әлемнің 195-ракеткасы, қазақстандық Дмитрий Попко Алматы челленджер турнирінің ширек финалына шықты, деп хабарлайды "Ұлт ақпарат".
Осы доданың 6-ракеткасы болып тіркелген Попко екінші айналымда дүниежүзілік рейтингте 338-орында тұрған 19 жастағы румыниялық Филип Жиянумен шеберлік байқасты.
Қазақстандық теннисші бірінші партияны брейкпен бітірді – 7:5.
Попко екінші сетті де брейкпен бастады – 2:0. Ақыры осы басымдылықты сақтап қала алды – 6:3.
Біршама тартысты өткен бәсеке 1 сағат 53 минутқа созылды.
Попко жартылай финалға шығу үшін әлемнің 108-інші, осы жарыстың 1-ракеткасы, словакиялық Андрей Мартинмен таласады. Қазақстандық спортшы үшін шешуші кездесудің бірі осы болмақ.
1267 рет оқылды
