Токио қаласындағы Олимпиадаға қатысушылар арасында коронавирус жұқтырудың алғашқы оқиғасы тіркелді, деп хабарлайды "Ұлт ақпарат" Reuters агенттігіне сілтеме жасап.
Уганда елінің бокстан олимпиада құрамасының мүшесі Токиодағы ойындарға келетін спортшыларды міндетті тексеру аясында COVID-19 вирусына тест тапсырып, нәтижесі оң болып шықты. Бұл вирустың шетелдік командадан анықталған бірінші оқиға екені атап өтілуде.
Екі рет тест тапсырып, екеуі де оң болып шыққан угандалық спортшы оқшауланды. Уганданың Олимпиадаға қатысатын барлық тоғыз спортшысына бұған дейін AstraZeneca вкцинасы салынғаны және ұшақ бортына отырмас бұрын ПТР-тестілерін тапсырып, олардың теріс болғаны хабарланып отыр.
1002 рет оқылды
_140_110.webp)
