Мұсылмандар дәл осы түні Алла оның алдағы жылға тағдырын жазады деп сенеді. 5-нен 6 сәуірге қараған түні Рамазанның 27-ші күніне келеді, бұл күні мұсылмандар «Қадыр түнін» – тағдыр жазылатын қасиетті түнді өткізеді. Оны қалай дұрыс өткізген жөн және не істеу міндетті?
Неліктен тағдыр жазылатын түн мұсылмандар үшін маңызды
Исламда ерекше уақыт кезеңдері бар:
• қасиетті жыл – Мұхаммед пайғамбардың туған жылы;
• қасиетті ай – Рамазан, ол кезде мұсылмандар ораза ұстайды;
• қасиетті күн – жұма, жұмы намазы оқылатын күн;
• қасиетті түн – тағдыр жазылатын түн.
Тағдыр жазылатын түннің нақты күні бар ма
Жоқ. Дінтанушылардың айтуынша, Мұхаммед пайғамбар бұл күнді Рамазан айынан іздеу керегін тұспалдап қана айтқан. Құранда да нақты күні көрсетілмеген. Алайда, халықтың басым бөлігі ислам дінін ұстанатын көптеген елде Рамазан айының 27-ші күні тағдыр жазылатын күн деп есептеледі.
Қадір түнін қалай өткізген жөн
Исламда бұл ұлы түн деп саналады, оны лайықты өткізген адамның Аллах күнәларын кешіреді. Ең алдымен, тарауих дұғасын оқу керек. Сондықтан көптеген мұсылмандар түнді мешіттерде Аллаға табынумен өткізеді. Осы түнде жақсы істер үшін марапат 83 жыл ішінде алатын марапаттарға тең деп саналады.
Бұл ретте түні бойы құр отыру дұрыс емес. Егер адам таңға дейін теледидар көріп, немесе диванда жатып түнді өткізсе, онда ол қасиетті түннің ризығын көрмейді деп есептеледі.
"Бұл түнде салауаты қабылданбайтын адамдар: ата-анасына мойынсұнбайтындар, ішімдік ішетіндер, дұға етпейтіндер", - деп түсіндірді Әзірет Сұлтан мешітінде.
Рамазан айы туралы
Мұсылмандар үшін парыз ораза айы Исламның бес парызының бірі. Рамазан айында күндіз мұсылмандар тамақтанудан, ішуден, темекі шегуден бас тартады және жыныстық қарым-қатынастан бас тартады.
Айдың ұзақтығы 29 немесе 30 күн және ай күнтізбесіне байланысты. Ораза таңмен басталады және күн батқаннан кейін аяқталады.
Рамазан айы жылына бір рет келетін зор мүмкіндік. Ғибадат айында ерекше рухани атмосферада іс-амалдарды електен өткізіп, иманды жаңартуға, ізгілік істер арқылы жүректі жұмсартуға болады.
Рамазан айы ізгі амалдардың маусымы. Бұл айда орындалатын ораза парызын аса жауапкершілікпен, тақуалықпен тұтпағымыз ләзім. Сонда ғана мойнымыздағы міндетімізді адал атқарып, Алланың разылығына жеткен боламыз.
1654 рет оқылды
