Фото: Александр Павский/Kazinform
Мәдениет және ақпарат министрі Аида Балаева «Қазақфильм» киностудиясын дамыту жоспары жайында айтып берді, деп хабарлайды Ult.kz Kazinform-ға сілтеме жасап.
— Президент қол қойған заңда «Қазақфильм» енді киноиндустрияны дамытуға бағытталған қаражаттың 30%-ын тікелей қаржыландыру түрінде алуға құқылы деген норма қарастырылған. Бұл студия үшін қаржылай тәуелсіз болып, өз киножобаларын жоспарлап, жүзеге асыруына үлкен мүмкіндік береді, — деді Мәдениет министрі Үкімет үйінде өткен баспасөз мәслихатында.
Қазіргі уақытта «Қазақфильмді» отбасылық демалыс орталығына айналдыруға көмектесетін инвестор іздеу жұмыстары жүріп жатыр.
— Сол жерде жеке кинотеатр, жабық жазғы кинотеатр салсақ, «Қазақфильм» музейін құрсақ, арнайы тақырыптық дүкендер мен басқа да нысандарды ашсақ дейміз, — деді А. Балаева.
Сонымен бірге, министр «Қазақфильмнің» жерлері сатылмайтынын немесе үшінші тұлғаларға берілмейтінін атап өтті.
— «Қазақфильмнің» жерлері тек осы ұйымды дамыту үшін ғана пайдаланылатын болады, — деді Аида Балаева.
1863 рет оқылды
