Парламент Мәжілісінің жалпы отырысында қарыз еңбекті реттеу мәселесі бойынша өзгерістерді қамтыған заң жобасы екінші оқылымда мақұлданды, деп хабарлайды "Ұлт ақпарат".
Айта кетейік, бұл құжат 14 қазанда Мәжілістің жалпы отырысында бірінші оқылымда мақұлданған болатын.
Заң жобасы арқылы:
Қарызы бар жұмыскерлерге қатысты еңбекақы төлеу саласындағы кемсітушілікті болдырмауға;
ауыр жұмыстарда, еңбек жағдайлары зиянды, қауіпті жұмыстарда істейтін қарыздық жұмыскерлерге жоғарылатылған еңбекақы төлеуге және олардың ақылы қосымша еңбек демалыстарының ұзақтығын сақтауға;
сондай-ақ қарыздық жұмыскерлерді басқа да әлеуметтік қолдау шараларымен қамтамасыз етуге қажетті құқықтық негіз жасалып отыр.
«Заңнамада «қарыздық еңбек» терминінің болмауына байланысты депутаттар заң жобасының атауын «Қазақстан Республикасының кейбір заңнамалық актілеріне персонал беру жөніндегі қызметтерді көрсету мәселелері бойынша өзгерістер мен толықтырулар енгізу туралы» деп өзгертуді ұйғарды. Заң жобасында 3 кодекске және 2 заңға өзгерістер мен толықтырулар енгізу қарастырылып отыр», - деді Мәжілім депутаты Кәрібай Мұсырман.
Заң жобасын талқылау жөніндегі жұмыс тобының 8 отырысы, сондай-ақ бас Комитеттің кеңейтілген 2 отырысы өткізілді.
