Фото: Kazinform
Археологтар «Богатырь» көмір кенішінен Азаматтық соғыс кезеңіндегі мажар әскери тұтқындарының жерленген орындарын тапты — алдын ала мәліметтер бойынша, тұтқындар 1918 жылы жерленген, деп хабарлайды Ult.kz Kazinform ХАА сілтеме жасап.
Олар Екібастұзға мәжбүрлі еңбекке жіберілген және шахталарда қаза тапқан.
Бұл жерде 30-ға жуық қабір бар, кейбірінің бетінде оқылатын жазулар сақталған. Көмір өндіру уақытша тоқтатылып, тарихи маңыздылығын сақтау үшін шаралар қабылданды. Археологтар Венгрия елшілігімен байланыс орнатып жатыр.
Фото: Kazinform
Қазақстандағы Венгрия елшісі Будапешт өздерінің ғылыми және мұрағаттық институттарын қаза тапқандардың аты-жөндерін анықтап, мүмкін болса, олардың ұрпақтарын табуға жұмылдырғанын мәлімдеді.
Бұл Қазақстан аумағында Австро-Венгрия империясының құлау кезеңіндегі мажар тұтқындарына қатысты табылған алғашқы осындай жаңалық.
1936 рет оқылды
