Сурет: Massaget.kz
1915 жылы 13 ақпанда Семей қаласында еуропалық үлгідегі тұңғыш спектакль қойылды, деп хабарлайды "Ұлт ақпарат" ҚР Мәдениет және ақпарат министрлігінің баспасөз қызметіне сілтеме жасап.
Сахналанатын пьеса болмағандықтан, спектакльдің әдеби негізі ретінде Біржан мен Сараның айтысы алынды.
Айтыстың сахналық жүйесін жасап, спектакльді қойған — көрнекті жазушы, драматург, қазақ әдебиетін қалыптасушылардың бірі Жүсіпбек Аймауытов.
«Біржан-Сара» спектаклінде қазақ қоғамында әлеуметтік мәні бар әйел теңдігі мәселесі көтерілген.
Біржанның рөлін Жүсіпбек Аймауытовтың өзі, ал Сараның рөлін — Тұрар Қозбағарова сомдады.
Осылайша қазақ мәдениеті тұңғыш рет режиссура өнерімен толығып, қойылымның сахнаға шығуы ерекше мәдени құбылыс болды.
Ол өзінің «Театр кітабы туралы» мақаласында сахна өнері мен драматургияның мәдени өмірде алатын орны мен ерекшеліктеріне тоқтала келе, театр мен репертуар мәселесін тығыз байланыстырған.
4633 рет оқылды
_140_110.jpg)
