"Көлсай көлдері" табиғи паркінде гид жігітті соққыға жыққан әнші Төреғали Төреәлі қамауға алынды. Бұл туралы Алматы облысы ПД бастығының тергеу бойынша орынбасары Рустам Әбдірахманов мәлімдеді, - деп хабарлайды Tengrinews.kz агенттігі.
28 қыркүйекте Ұлттық парк аумағында, яғни Алматы облысы, Кеген ауданында болған бұзақылық әрекеттер дерегі бойынша, ЕҚДБ-да қылмыстық іс тіркелген болатын.
"Бүгін, 30 қыркүйекте күдікті ҚР Қылмыстық-процестік кодексінің 128-бабына сәйкес ұсталып, уақытша ұстау изоляторына қамалды.
Тергеу істі дұрыс шешу үшін қажетті және жеткілікті мән-жайларды жан-жақты, толық және объектив зерттеу үшін заңда көзделген барлық шараны қабылдайды", - деп жазды Әбдірахманов.
Қылмыстық істі тергеу барысы мен нәтижелері Алматы облысының Полиция департаментінде бақылауға алынғаны айтылды.
1683 рет оқылды
_140_110.webp)
