Фото: youtube.com
Павлодар облысында қатарластарына бопсалау жасады деген күдікпен колледждің екі студенті ұсталды, деп хабарлайды Ult.kz.
Полицияның мәліметінше, олар өз құрдастарына күш қолданып, ақша талап етпек болған.
Жедел-іздестіру іс-шаралары барысында күдіктілер ұсталып, уақытша қамауға алынды. Тергеу деректеріне сәйкес, олар қоқан-лоққы көрсету арқылы қылмыстық ниетін жүзеге асыруға әрекеттенген.
Қылмыстық іс бопсалау фактісі бойынша қозғалды. Құзырлы органдардың айтуынша, құқық бұзушылықтың бастапқы кезеңінде-ақ оның жолы кесілген.
Қазіргі уақытта ұсталғандардың басқа да ықтимал қылмыстарға қатысы тексеріліп жатыр.
66 рет оқылды
_140_110.jpg)
